Technology News in Gujarati : ભારતીય કંપની GoGoA1 એ Hero Splendor બાઇક માટે ઇલેક્ટ્રીક કન્વર્ઝન કીટ EV Conversion Kit સત્તાવાર રીતે વેચાણ માટે ઉપલબ્ધ કરાવી છે. કંપનીને એપ્રિલમાં ઓટોમોટિવ રિસર્ચ એસોસિએશન ઓફ ઈન્ડિયા (ARAI) દ્વારા આ કિટ માટે મંજૂરી મળી હતી. આ કિટ દ્વારા કોઈપણ વ્યક્તિ હીરો સ્પ્લેન્ડર બાઇકને ઇલેક્ટ્રિક બાઇક [Hero Splendor E Bike]માં બદલી શકે છે. કિટમાં 2 kW ક્ષમતાની ઇલેક્ટ્રિક મોટર અને 2.8 kWh ક્ષમતાની બેટરી પેક [2.8 kWh Battery Pack]નો સમાવેશ થાય છે. આ સિવાય રિજનરેટિવ બ્રેકિંગ સિસ્ટમ પણ તેમાં સામેલ કરવામાં આવી છે.
GoGoA1 ની હીરો સ્પેન્ડર ઇલેક્ટ્રિક કન્વર્ઝન કિટ ભારતમાં રૂ. 37,700 થી શરૂ થાય છે, જ્યારે બેટરી પેક અને ચાર્જિંગ એડેપ્ટરની કિંમત અલગથી રૂ. 65,606 હશે. આ રીતે, સંપૂર્ણ ઇલેક્ટ્રિક કિટ માટે કુલ રૂ. 1,03,306 (GST ઉમેર્યા વિના) ચૂકવવા પડશે.
આ કીટ હીરો સ્પ્લેન્ડરને કરી દેશે ઇલેક્ટ્રિક વાહન E Bike – Electric hero splendor conversion Kit
આ કિટ 2 kW ઇલેક્ટ્રિક મોટર [Electric Motor] તેમજ 2.8 kWh બેટરી પેક સાથે આવે છે. આ રિજનરેટિવ બ્રેકિંગ સિસ્ટમ સાથે રીઅર વ્હીલ હબ મોટર છે. સેટઅપમાં DC-DC કન્વર્ટર, નવા એક્સિલરેટર વાયરિંગ, કંટ્રોલર બોક્સ સાથેની કી સ્વીચ અને નવા સ્વિંગઆર્મનો પણ સમાવેશ થાય છે. કંપનીનો દાવો છે કે તેનું બેટરી પેક ફુલ ચાર્જ પર 151 કિમીની રેન્જ આપી શકે છે.
કન્વર્ઝન ભારતમાં 36 RTO સ્થાનો GoGoA1 ના ઇન્સ્ટોલેશન વર્કશોપમાં કરવામાં આવશે. ગ્રાહકો કેટલાક જરૂરી દસ્તાવેજો કર્યા પછી સ્થાનિક RTO ખાતે તેમની બાઇકને ઇલેક્ટ્રિકમાં કન્વર્ટ કરી શકે છે. કન્વર્ઝન પછી, બાઇક માટે નવી ગ્રીન નંબર પ્લેટ મળી શકે છે પણ નંબર જે તે હશે તે જ રહેશે.
જો કે ઇલેક્ટ્રિક કન્વર્ઝન કીટની કિંમત ઓછી છે, પરંતુ અલગથી બમણી બેટરી પેકની કિંમત સંપૂર્ણ કીટની કિંમત ભારતમાં ઘણા ઇલેક્ટ્રિક સ્કૂટર કરતા વધારે છે.
