Homeગુજરાતમજૂર પિતાએ 3 દિકરાને બનાવ્યા કોમર્શિયલ પાયલટ, વિશ્વાસ કરવો પણ મુશ્કેલ

મજૂર પિતાએ 3 દિકરાને બનાવ્યા કોમર્શિયલ પાયલટ, વિશ્વાસ કરવો પણ મુશ્કેલ

-

Gujarati Janva Jevu | મધ્ય પ્રદેશના મુરેના જિલ્લાના મજૂર પિતા અમૃતલાલ જાટવની કહાની માનવી મુશ્કેલ છે

દ્રઢ વિશ્વાસથી નસીબ સામે નમ્યા નહીં અને તેના ત્રણેય પુત્રો અજયસિંહ જાટવ, વિજય સિંહ જાવટ અને દીપક કુમારને બધું દાવ પર લગાવીને પાઇલટ બનાવ્યા. પિતા અને માતા કિરણ સાથે મોટો પુત્ર અજય આ વર્ષે જુલાઈમાં ભોપાલ શિફ્ટ થયો છે. તે ડ્રોન અને સેમ્યુલેટર બનાવી રહ્યો છે. બીજા પુત્ર વિજય બેંગલોરમાં ખાનગી કંપનીના એરબસ એ -320 વિમાનમાં કામ કરે છે. નાનો દીપક રાયબરેલીની નેશનલ ફ્લાઈંગ એકેડમીમાં પાયલોટ ટ્રેનિંગ કરી રહ્યો છે.

કેપ્ટન અજયે પોતાના જૂના દિવસોની યાદોને એક ખાનગી ન્યૂઝ ચેનલ પર શેર કરી
તેણે કહ્યું કે ત્રણેય ભાઈઓને પાઇલટ બનાવવાનું પિતાનું સપનું હતું. આ સપનું પૂરું કરવા માટે તેણે સર્વસ્વનું બલિદાન આપ્યું. અમને કંઈક બનાવવા માટે પિતાએ મિત્રો, પડોશીઓ અને સંબંધીઓ પાસેથી લોન લીધી. તેણે કહ્યું કે ત્રણ ભાઈઓનો જન્મ મોરેનામાં થયો હતો. પરંતુ, પિતાની આર્થિક સ્થિતિ સારી નહોતી. પિતા મજૂર હોવાથી પછી પરિવાર ગ્વાલિયર આવ્યો. અહીં પિતાને મજૂરી કામ મળવા લાગ્યું અને થોડી બચત કરવાનું શરૂ કર્યું. પિતાએ ત્રણેય પુત્રોને કેન્દ્રીય વિદ્યાલયમાં ભણાવ્યા. તેણે આ માટે એજ્યુકેશન લોન પણ લીધી હતી. ત્રણેય ભાઈઓએ 2003 થી 2012 સુધી ત્યાં અભ્યાસ કર્યો.

પિતાના સંઘર્ષ થયો વિજય
અજયે જણાવ્યું કે જ્યારે તેણે અભ્યાસ બાદ કોમર્શિયલ પાયલોટ બનવાનું વિચાર્યું ત્યારે બજેટ નહોતું. પિતાએ તાલીમ માટે કેન્દ્ર સરકારના દરવાજા ખટખટાવ્યા. આ દરમિયાન તેણે જબરદસ્ત સંઘર્ષ કર્યો. તે માનસિક રીતે પણ અસ્વસ્થ થઈ ગયો. પરંતુ અંતે ત્રણેય ભાઈઓને કેન્દ્ર સરકાર તરફથી શિષ્યવૃત્તિ મળી. અજયને 2013માં શિષ્યવૃત્તિ, 2016 માં વિજય અને 2018 માં દીપકને શિષ્યવૃતિ મળી હતી . આ રીતે તેનું સપનુ સાકાર થયું હતુ.

તેથી જ પાયલોટ તાલીમ ખર્ચાળ છે
કેપ્ટન અજયે જણાવ્યું કે તેઓ હાલમાં ડ્રોન-એન્ટી-ડ્રોન ટેકનોલોજી અને સેમ્યુલેટર પર કામ કરી રહ્યા છે. કેપ્ટન અજયે પોતાના ઘરમાં સેમ્યુલેટર તૈયાર કર્યું છે. તેમનું કહેવું છે કે દેશની ફ્લાઇંગ ક્લબો એક કરોડ રૂપિયામાં સેમ્યુલેટરનું એકમ ખરીદે છે. તેથી જ ભારતમાં કોમર્શિયલ પાયલોટ તાલીમ ખર્ચાળ છે. જો તે દેશમાં જ બનાવવામાં આવે તો આ તાલીમ સસ્તી બની જશે. અજય જે સેમ્યુલેટર બનાવે છે તે 22 થી 25 લાખ રૂપિયામાં તૈયાર થઈ રહ્યું છે. તેનું કામ અંતિમ તબક્કામાં છે. અજયે કહ્યું કે આ સેમ્યુલેટર માટે પણ ઘણો સંઘર્ષ છે. તે ભાઈના સ્ટાઈપેન્ડ, પિતાના મિત્રો પાસેથી લીધેલી લોન અને જૂની બચતમાંથી બનાવવામાં આવી રહ્યું છે. અજયે જે સેમ્યુલેટર તૈયાર કર્યું છે તે દેશમાં જ ઉપલબ્ધ કાચા માલમાંથી તૈયાર કરવામાં આવ્યું છે.

Satya Manthan Gujarati News - પ્રતીકાત્મક તસવીર

કેન્દ્રીય મંત્રી સિંધિયા સાથે કરી મુલાકાત, ડ્રોનના દસ્તાવેજો DGCAને સોંપ્યા
કેપ્ટન અજયે ડ્રોન સંબંધિત દસ્તાવેજો ડિરેક્ટોરેટ જનરલ ઓફ સિવિલ એવિએશન (DGCA) ને મોકલ્યા છે. ડીજીસીએ તરફથી દરખાસ્તની મંજૂરીની રાહ જોવાઈ રહી છે. અજય કહે છે કે સિમ્યુલેટર અને ડ્રોન બનાવવા માટે સરકારની મદદ લેવામાં આવશે. આની મદદથી સાધનો માટે કાચો માલ અને અન્ય સાધનો ખરીદવામાં આવશે. આ પ્રોજેક્ટ પાસ થતાં દસ હજારથી વધુ લોકોને રોજગારી મળશે. કેપ્ટન અજયે પ્રોજેક્ટમાં સરકારી મદદ માટે દિલ્હીમાં કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયાને મળ્યા હતા.અજય કહે છે કે અમારા પ્રોજેક્ટને સારો પ્રતિસાદ મળ્યો.

Must Read