Homeરાષ્ટ્રીયખેડૂતોની હત્યાનું સુનિયોજિત કાવતરુંઃ લખીમપુર કેસ

ખેડૂતોની હત્યાનું સુનિયોજિત કાવતરુંઃ લખીમપુર કેસ

-

લખીમપુર ખેરી( Lakhimpur case)કેસમાં ખેડૂતોઉપર ગાડી ચડાવવી એક સુનિયોજિત કાવતરાનો ભાગ હતો(Conspiracy to kill farmers). સ્પેશિયલ ઈન્વેસ્ટિગેશન ટીમ (SIT)એ આ વાત કહી છે. નોંધનીય છે કે આ કેસમાં કેન્દ્રીય મંત્રી અજય મિશ્રાના પુત્ર આશિષ મિશ્રા મુખ્ય આરોપી છે.

લખીમપુર ખેરી કેસમાં ખેડૂતોને હેરાન કરવાના સુનિયોજિત કાવતરાનો ભાગ હતો સ્પેશિયલ ઈન્વેસ્ટિગેશન ટીમ (SIT)એ આ વાત કહી છે. નોંધનીય છે કે આ કેસમાં કેન્દ્રીય મંત્રી અજય મિશ્રાના પુત્ર આશિષ મિશ્રા મુખ્ય આરોપી છે. કેસની તપાસ કરી રહેલી પોલીસ ટીમે ન્યાયાધીશને પત્ર લખ્યો છે કે આશિષ મિશ્રા સામેના આરોપોમાં સુધારો કરવામાં આવે.

આશિષ મિશ્રા અને અન્ય લોકો પહેલાથી જ આ કેસમાં હત્યા અને ષડયંત્રના આરોપોનો સામનો કરી રહ્યા છે. સ્પેશિયલ ઈન્વેસ્ટિગેશન ટીમ ઈચ્છે છે કે તેની સાથે હત્યાનો પ્રયાસ અને અન્ય આરોપો પણ ઉમેરવા જોઈએ.

નોંધનીય છે કે એવા સમયે જ્યારે સત્તારૂઢ ભાજપ યુપીમાં વિધાનસભા ચૂંટણીની તૈયારી કરી રહ્યું છે, ત્યારે આ ઘટનાક્રમ કેન્દ્રીય ગૃહ રાજ્ય મંત્રી અજય મિશ્રા માટે મોટી મુશ્કેલીનો સંકેત છે. અજય મિશ્રાને હટાવવાની સતત માંગ છતાં પીએમ નરેન્દ્ર મોદીએ તેમને કેબિનેટમાં જાળવી રાખ્યા છે.

લખીમપુર ખેરીની ઘટનાને લઈને ખેડૂતોમાં ભારે રોષ છે, જેની અસર આગામી ચૂંટણીમાં જોવા મળી શકે છે. 3 ઓક્ટોબરે લખીમપુર ખેરી ખાતે ખેડૂતોના વિરોધ દરમિયાન બનેલી આ ઘટનામાં ચાર ખેડૂતો સહિત આઠ લોકો માર્યા ગયા હતા.

કથિત રીતે આશિષ મિશ્રા દ્વારા ચલાવવામાં આવતી SUV ખેડૂતો પર ચડી જતાં ચાર ખેડૂતોના મોત થયા હતા. આ પછી હિંસા ફાટી નીકળી હતી અને ચાર વધુ લોકો, એક પત્રકારને પોતાનો જીવ ગુમાવવો પડ્યો હતો.

ખેડૂતો દ્વારા દાખલ કરવામાં આવેલી FIRમાં આશિષ મિશ્રાનું નામ છે. જેમાં કહેવાય છે કે ખેડૂતોની શાંતિપૂર્ણ કૂચની વચ્ચેથી આશિષ પોતાની કારમાંથી તેજ ગતિએ લોકોને કચડી નાખવા માટે બહાર આવ્યો હતો. આ ઘટના અને હિંસામાં ચાર ખેડૂતો અને કાફલાના ચાર લોકો સહિત આઠ લોકો માર્યા ગયા હતા.

Must Read