આજના તાજા સમાચાર ગુજરાત, બિઝનેસ : દેશ દુનિયાના સમાચાર : નેશનલ સ્ટોક એક્સચેન્જ NSE કૌભાંડને લઈને કોર્ટે કડક વલણ અપનાવ્યું છે. કોર્ટે સી.બી.આઈ.ને પૂછ્યું કે જો આવા કૌભાંડો થશે તો ભારતમાં કોણ રોકાણ કરશે ? કોર્ટે સી.બી.આઈ. CBI ને કહ્યું કે એનએસઈના ભૂતપૂર્વ વડા અને હિમાલય યોગીને સંડોવતા મેનીપ્યુલેશન કેસમાં માર્કેટ રેગ્યુલેટર સેબી SEBI ની ભૂમિકાની પણ તપાસ થવી જોઈએ. વિશેષ ન્યાયાધીશે સીબીઆઈને કહ્યું, ‘દેશની પ્રતિષ્ઠા દાવ પર છે. કૌભાંડ વિશે તમારું શું અનુમાન છે ?’
આવા કૌભાંડો થશે તો ભારતમાં કોણ રોકાણ કરશે ? CBIને જજનો સવાલ – બિઝનેસ
ન્યાયાધીશે કહ્યું, ‘અમારી વિશ્વસનીયતા દાવ પર છે. જો આવા કૌભાંડો થશે તો ભારતમાં કોણ રોકાણ કરશે ? તમે તપાસ ચાલુ રાખી શકતા નથી. ચાર વર્ષ થઈ ગયા છે. તમારે ઝડપી તપાસ પૂરી કરવી જોઈએ.
નોંધનીય છે કે નેશનલ સ્ટોક એક્સચેન્જના પૂર્વ વડા ચિત્રા રામકૃષ્ણ Chitra Ramkrishna ની તાજેતરમાં દેશના સૌથી મોટા સ્ટોક એક્સચેન્જમાં મોટી ગડબડના સંબંધમાં ધરપકડ કરવામાં આવી છે. ચિત્રા પર ‘હિમાલયન યોગી’ના પ્રભાવમાં મોટા નિર્ણયો લેવાનો આરોપ છે. CBI અનુસાર, હિમાલય યોગી NSEના પૂર્વ ચીફ ઓપરેટિંગ ઓફિસર આનંદ સુબ્રમણ્યમ Anand Subramanian હતા.
- વિડીયો- પુતિનના વિરોધમાં ટોપલેસ થઈ મહિલાઓ, પેરીસમાં પુતિન વિરોધી નારા પોકાર્યા
- વીડિયો- વાહ ભારત ! ઓપરેશન ગંગા એ પાકિસ્તાનીનો પણ બચાવ્યો છે જીવ
સીબીઆઈએ કોર્ટને કહ્યું કે તે આ કેસમાં સેબીની ભૂમિકાની તપાસ કરી રહી છે. કોર્ટને એ પણ જણાવવામાં આવ્યું હતું કે NSEના પૂર્વ મેનેજિંગ ડિરેક્ટર રવિ નારાયણની પણ આ મામલે પૂછપરછ કરવામાં આવી છે.
